April 11, 2023

មជ្ឈមណ្ឌលសន្តិភាពអន្លង់វែង នៃមជ្ឈមណ្ឌលឯកសារកម្ពុជា បានធ្វើការរៀបចំវេទិកាសហគមន៍នៅក្នុងភូមិលំទងចាស់ ស្រុកអន្លង់វែង ដោយផ្ដោតទៅលើ «ប្រវត្តិសាស្រ្តកម្ពុជាប្រជាធិបតេយ្យ (១៩៧៥-១៩៧៩) និងដំណើរការនៃការកាត់ទោសមេដឹកនាំខ្មែរក្រហមនៅក្នុងអង្គជំនុំជម្រះវិសាមញ្ញក្នុងតុលាការកម្ពុជា»។ ជាមួយគ្នានេះដែរ ក៏មានការពិភាក្សាទៅលើបញ្ហាប្រឈមរបស់ប្រជាជនដែលបានជួបប្រទះនៅក្នុងភូមិ។ វេទិកាសហគមន៍នេះត្រូវបានប្រព្រឹត្តទៅនៅថ្ងៃទី១១ ខែមេសា ឆ្នាំ២០២៣ ក្នុងបរិវេណផ្ទះប្រធានភូមិ ស្ថិតនៅត្រង់ចំណុចកណ្ដាលភូមិលំទងចាស់។

សិស្សានុសិស្សចំនួន២៩នាក់ក្នុងនោះប្រុស១១នាក់ និងស្រី១៨នាក់ មកពីវិទ្យាល័យតេជោ ហ៊ុន សែនសំរោង បានចូលរួមវេទិកាថ្នាក់រៀនស្ដីពី «ប្រវត្ដិសាស្រ្ដកម្ពុជាប្រជាធិបតេយ្យ (១៩៧៥-១៩៧៩)» នៅមជ្ឈមណ្ឌលសន្ដិភាពអន្លង់វែង នៃមជ្ឈមណ្ឌលឯកសារកម្ពុជា នៅក្នុងខែមេសា ឆ្នាំ២០២៣ នេះ។ វេទិកាថ្នាក់រៀននេះ មានគោលបំណងលើកកម្ពស់ការយល់ដឹងដល់យុវជនអំពីប្រវត្ដិសាស្រ្ដកម្ពុជាប្រជាធិបតេយ្យ