ខ្ញុំឈ្មោះ ចុង ដារ៉ា សូមប្រកាសរកប្អូនប្រុស និងប្អូនស្រីបែកគ្នាក្នុងរបប ប៉ុល ពត ដូចមានឈ្មោះរៀបរាប់ដូចខាងក្រោម៖
១) ឈ្មោះ ចុង ចិនឈីវ ឈ្មោះហៅក្រៅ ណាយជួយ ភេទប្រុស មានអាយុប្រហែល៦៣ឆ្នាំ នៅក្នុងឆ្នាំ២០២៦នេះ កាលបែកគ្នាមានអាយុប្រហែល១៣ឆ្នាំ។
២) ឈ្មោះ ចុង យានឈីង ឈ្មោះហៅក្រៅ ណាយមុយ ភេទស្រី មានអាយុប្រហែល៦២ឆ្នាំ នៅក្នុងឆ្នាំ២០២៦នេះ កាលបែកគ្នាមានអាយុប្រហែល១២ឆ្នាំ។
យើងជួបគ្នាលើកចុងក្រោយនៅខេត្តពោធិ៍សាត់ តំបន់៦ ភូមិភាគពាយ័ព្យ។ កាលនោះប្អូនខ្ញុំទាំងពីរមានជំងឺហើម និងបានសម្រាកព្យាបាលនៅវត្តតំបន់នោះ ប៉ុន្តែខ្មែរក្រហមមិនអនុញ្ញាតឱ្យសាច់ញាតិចូលសួរសុខទុកឡើយ។ ក្រោយមក ខ្ញុំនិងបងៗបានទៅរកប្អូនទាំងពីរម្តងទៀត ប៉ុន្តែបានឮដំណឹងថាខ្មែរក្រហមបានជម្លៀសអ្នកជំងឺចេញពីមន្ទីរពេទ្យនោះអស់ហើយ។ ចាប់តាំងពីពេលនោះ ខ្ញុំបែកប្អូនៗរហូតមកដល់សព្វថ្ងៃ។ កាលមុនខ្មែរក្រហមឡើងគ្រប់គ្រងអំណាចនៅឆ្នាំ១៩៧៥ ផ្ទះខ្ញុំស្ថិតនៅលើផ្លូវលេខ៣ ជាប់នឹងការ៉ាស់សាំង កាល់តិច (សព្វថ្ងៃ) និងទល់មុខសាលារៀនមុន្នីវង្ស ក្នុងខេត្តបាត់ដំបង។
បងៗកំពុងស្វែងរកប្អូនទាំងពីរ និងសង្ឃឹមថាប្អូនៗនៅរស់រានមានជីវិត។ បងសង្ឃឹមថាយើងនឹងបានជួបគ្នា ហើយប្រសិនបើបងប្អូនណា ឬប្អូនៗទាំងពីរឃើញដំណឹងនេះ សូមទាក់ទងមកបងស្រីធំឈ្មោះ ចុង យានហ្វាង, បងស្រីទីពីរឈ្មោះ ចុង យានស៊ែរ និងប្អូនប្រុសឈ្មោះ ចុង យុនឈីវ លេខទូរសព្ទ (+៦១)៤០៨៨៥៦៦៧៣ សព្វថ្ងៃរស់នៅប្រទេសអូស្ត្រាលី ឬ តាមរយៈក្មួយឈ្មោះ ហូ ត្រាម លេខទូរសព្ទ (+៦១) ៤១៣៦៨៩៦០២។ សូមអរគុណ!
