"សង្គមមួយមិនអាចស្គាល់ខ្លួនឯងបានទេ ប្រសិនបើសង្គមនោះពុំមានការចងចាំច្បាស់លាស់អំពីប្រវត្តិសាស្រ្តរបស់ខ្លួន"

លើកកម្ពស់សិទ្ធិ និងធ្វើឲ្យប្រសើរឡើងនូវលក្ខខណ្ឌសុខភាពអ្នករស់រានមានជីវិតពីរបបខ្មែរក្រហម

អ្នកស្ម័គ្រចិត្តកម្ពុជានាំយកកញ្ចប់អនុស្សាវរីយ៍ជូនអ្នករស់រានមានជីវិតពីរបបខ្មែរក្រហមនៅខេត្តស្វាយរៀង

នៅវេលាព្រឹក ថ្ងៃពុធ ទី២០ ខែតុលា ឆ្នាំ២០២១ សោម ប៊ុនថន ក្រុមការងាររបស់មជ្ឈមណ្ឌលឯកសារកម្ពុជា បានដឹកកញ្ចប់អនុស្សាវរីយ៍ចំនួន៣០០ ពីការិយាល័យនៅទីក្រុងភ្នំពេញយកទៅចែកជូនអ្នករស់រានមានជីវិតពីរបបខ្មែរក្រហម ដែលក្រុមអ្នកស្ម័គ្រចិត្តរបស់មជ្ឈ​មណ្ឌល​ឯកសារកម្ពុជាប្រចាំខេត្តស្វាយរៀង បានជួបសម្ភាសន៍។ បច្ចុប្បន្នក្រុមអ្នកស្ម័គ្រចិត្តរបស់មជ្ឈ​មណ្ឌល​ឯកសារកម្ពុជាចំនួន៣២នាក់ នៅស្រុករមាសហែក, ស្រុកស្វាយទាប, ស្រុករំដួល, ស្រុក​ចន្រ្ទា, ស្រុកកំពង់រោទិ៍, ស្រុកស្វាយជ្រំ និងក្រុងស្វាយរៀង នៃខេត្តស្វាយរៀង កំពុងសម្ភាសន៍ និងសួរនាំយាយតាឪពុកម្តាយអ៊ំពូមីងអំពីរឿងរ៉ាវដែលបានកើតឡើងនៅក្នុងរបបខ្មែរ​​ក្រហម និងបញ្ហាសុខភាព ដោយអនុវត្តតាមវិធានការ៣កុំ៣ការពាររបស់ក្រសួងសុខាភិបាល និងរាជរដ្ឋាភិបាលកម្ពុជា។ អ្នកស្ម័គ្រចិត្តរបស់មជ្ឈមណ្ឌលឯកសារកម្ពុជាប្រចាំខេត្តស្វាយរៀងនឹងបន្តសម្ភាសន៍ និងនាំយកកញ្ចប់អនុស្សាវរីយ៍ រួមមាន ១) ព្រឹត្តិបត្រព័ត៌មានណែនាំអំពីសុខភាព, ២) ជែល, ៣) សាប៊ូលាងដៃ, ៤) ម៉ាស់, ៥) នំ, ៦) សៀវភៅប្រវត្តិសាស្រ្តកម្ពុជាប្រជាធិបតេយ្យ (ពីឆ្នាំ១៩៧៥-១៩៧៩), ៧) សៀវភៅអំពើប្រល័យពូជសាសន៍ និងការសម្លាប់រង្គាលនៅក្នុងប្រវត្តិ​សាស្រ្តពិភពលោក, ៨) ឧបករណ៍សង្រ្គោះបឋម, ៩) សេវាកម្មពិនិត្យសុខភាពនៅតាមមន្ទីរពេទ្យឯកជនក្នុងសហគមន៍ដោយឥតគិតថ្លៃ, និង ១០) សម្ភារជំនួយដល់ជនពិការ ទៅចែកជូនដល់យាយតាឪពុកម្តាយអ៊ំពូមីងដែលរស់នៅតំបន់ដាច់ស្រយាលក្នុងខេត្តស្វាយរៀងដោយផ្ទាល់ដៃ។

អត្ថបទ៖ សោម ប៊ុនថន

រូបថត៖ អ្នកស្ម័គ្រចិត្តកម្ពុជា ខេត្តស្វាយរៀង

យាយនិងតាដែលនៅរស់រានមានជីវិតពីរបបខ្មែរក្រហមនៅស្រុករំដួល ខេត្តស្វាយរៀង ទទួលកញ្ចប់អនុស្សាវរីយ៍ពីអ្នកស្ម័គ្រចិត្តកម្ពុជា។ ស្វាយរៀង ថ្ងៃទី២២ ខែតុលា ឆ្នាំ២០២១។ (អ្នកស្ម័គ្រចិត្តកម្ពុជា ខេត្តស្វាយរៀង/មជ្ឈមណ្ឌលឯកសារកម្ពុជា)

  

សោម ប៊ុនថន

សោម ប៊ុនថន

និពន្ធនាយកទស្សនាវដ្តីស្វែងរកការពិតនៃមជ្ឈមណ្ឌលឯកសារកម្ពុជា អ៊ីម៉ែល៖ truthbunthorn.s@dccam.org ទូរសព្ទ៖ +៨៥៥ (០) ១២ ៩៩៦ ៧៥០ គេហទំព័រ៖ www.dccam.org

សោម ប៊ុនថន
និពន្ធនាយក នៃទស្សនាវដ្តីស្វែងរកការពិត
ទូរសព្ទ៖ +៨៥៥ (០) ១២ ៩៩៦ ៧៥០
អ៊ីម៉ែល៖ truthbunthorn.s@dccam.org
©២០២១ រក្សាសិទ្ធិដោយមជ្ឈមណ្ឌលឯកសារកម្ពុជា

រាល់មតិយោបល់ផ្សេងៗ សូមផ្ញើសារអេឡិត្រូនិចមកកាន់យើងខ្ញុំ